115年 - 115 桃園市國民中學新進教師甄選試題：閩南語科#140770

51. 下底佗一个詞無輕聲的讀法？ (A)做人 (B)兩工 (C)兩杯 (D)做工

52. 下底佗一組的韻母攏相仝？ (A)音、清、精 (B)深、心、唚 (C)因、生、真 (D)英、親、新

53. 「蓪草，嘛有人叫伊是□□□，是臺灣的原生植物， 較早佇咧桃園的山區捷看會著，嘛是早前原住民的經 濟作物。」請問□□□有可能是下面佗一个選項？ (A)草霸王 (B)通脫木 (C)三角藺 (D)猴蔗花

54. 下面有關臺灣閩南語音韻系統，佗一選項無正確？ (A)輔音就是聲母，元音就是韻母。 (B)閩南語有開口呼、齊齒呼佮合口呼，無撮口呼。 (C)國際音標/p/、/t/、/k/代表的音，佇臺灣閩南語會當 做聲母，嘛會當成做韻尾。 (D)國際音標/m/佮/ŋ/代表的音，佇台灣閩南語會當做 聲母、韻尾佮主要元音。

55. 『桃園虎頭山的鳥種豐富，除了都市三寶白頭翁、麻 雀、斯氏繡眼之外，還有大卷尾、白鶺鴒、五色鳥等 等。』請問佇頂頭的鳥仔類內底，佗一个選項是無講著 的？ (A)白頭鵠仔 (B)長尾山娘 (C)牛屎鳥仔 (D)花仔和尚

56. 閩南語的「西」有幾若个讀音，下底佗一个讀音佮「西 北雨」的「西」讀音相仝？ (A)關西鎮 (B)西螺鎮 (C)西湖鄉 (D)台西鄉

57. 「桃園市中壢區的龍岡國小，共學校內底誠濟年無咧 用的雞牢，改做『生命教育學習園區』，教學生按怎來 友善環境。」請問，你若是這間學校的老師，你會當 運用新課綱內底的佗一項，來設計教材教法？ (A)Ba-Ⅳ-1 (B)Bb-Ⅳ-1 (C)Bd-Ⅳ-1 (D)Be-Ⅳ-1

58. 「豬母掛鞍」是一句孽譎仔話，無講出來的後半句，是 利用倚音來講某乜代誌，這項代誌，有可能是下面佗 一个選項？ (A)毋知家己是大面神 (B)毋是家己買的物件 (C)毋是將才硬欲捙拚 (D)毋知將才予人委屈

59. 下底佗一組詞彙毋是偏正結構？ (A)鑿目 (B)白目 (C)赤目 (D)大目

60. 請問下面佗一句台語的句法，是完全正確的？ (A)若是後改有來的話。 (B)伊一定是恁阿母吧。 (C)是講，我來攏來矣。 (D)小妹食甲足飽矣啦。

61. 十二節氣的「雨水」的讀音，下底佗一个讀音是正確 的？ (A)hōo-tsuí (B)ú-suí (C)ú-tsuí (D)hōo-suí

62. 請問，「仔」做詞尾ê時，頭前 hit 个音節變調了後袂是 下面佗一个聲調？ (A)第一調，陰平 (B)第三調，陰去 (C)第七調，陽去 (D)輕聲，去聲調化

63. 請問下面佗一个構詞的方式，佮其他三个的無仝？ (A)衫弓仔 (B)魔神仔 (C)母仔囝 (D)窗仔門

64. 「有閒才閣來阮兜啉兩杯」Ū-îng tsiah-koh lâi guán tau lim nn̄g--pue，講這句話是欲請你啉偌濟杯？ (A)兩杯 (B)兩百杯 (C)二十杯 (D)幾若杯

65. 「大石嘛著石仔楗，我娘無兄通牽成，無籬無壁通倚 並，心肝毋捌一時清。」請問，佇這首褒歌內底，「我 娘」所講是啥？ (A)阮家己 (B)阮母仔 (C)阮娘嬭 (D)阮娘仔

66. 做甲流汗，猶閣予人嫌甲流瀾，無攏莫做，我已經____ 矣。 (A)清心 (B)凊心 (C)冷心 (D)凝心

67. 「毛呼龜粿粽，紅包在你送。」請問下面佗一个選項， 佮這句俗諺的意思較有倚意？ (A)目睭金金人傷重。 (B)目睭看懸無看低。 (C)目睭生佇頭殼頂。 (D)目睭看佇雙糕潤。

68. 「囝仔大聲跟老師作伙來學越南語，遮不是學校，是 在咧桃園的越南故事冊店。逐禮拜六都有開課，來遮 上課，會使把阿母的話學起來。」若是按《教育部臺 灣台語常用辭詞典》，請問頂頭彼段話內底，用字錯誤 的所在有幾字? (A)4 字 (B)5 字 (C)6 字 (D)7 字

69. 關係台語 ê 聲調 kah 變調，請問下底佗一个選項無正 確？ (A)無仝句尾助詞 ê聲調有輕聲、變調等等無仝 ê類型。 (B)主謂構詞內底 ê 主語 tsit 部份 ê 尾音節攏愛讀做本 調。 (C)除非刁工 beh 強調，代名詞 tī 句中一般無 kā 讀做 本調。 (D)除了代名詞 kah 輕聲調，「ê」頭前 hit 个音節讀本 調。

70. 下底佗一个詞毋是臺灣閩南語的日語借詞？ (A)便當 (B)口座 (C)放送 (D)老師

71. 伍佰的台語歌〈種子〉內面有一段歌詞以教育部漢字 來寫是「咱會來旋藤開花，咱會來生葉發枝」，請問以 下的羅馬字寫法佗一个正確？ (A)Lán ē lâi suân-tîng-khai-hua, lán ē lâi sing-hioh-huat-ki. (B)Lan è lâi suân-tîn-khui-hua, lan è lâi sing-hioh-puh-ki. (C)Lán ê lāi suan-tîng-khai-hue, lán ê lāi senn-hioh-puh-ki. (D)Lán ē lâi suan-tîn-khui-hue, lán ē lâi senn-hioh-huat-ki. 桃園市 115 年國民中學新進教師甄選【專業科目：本土語文(閩南語文)】試題卷 第3頁，共5頁

72. 下面的語詞攏有兩个相仝的漢字，這兩个相仝的漢字 佇佗一个的語詞中毋是白話音佮文言音組成的？ (A)婦人人(hū-jîn-lâng/hū-lîn-lâng) (B)落落來(lak--lo̍ h-lâi) (C)當當時(tng tong-sî) (D)去接接(khì tsih-tsiap)

73. 請問下面佗一个選項 ê 俗語無牽涉著「重男輕女」、 「緊嫁娶 khah 好」ê 傳統思考？ (A)蝦欲跳著趁鮮。 (B)月光袂曝得粟。 (C)光光月毋值 bái-bái 火。 (D)少年毋風騷，食老才想錯。

74. 「志明--啊！你____________，in hit 陣人絕對袂放你 煞！」請問空格仔內囥佗一个選項上適當？ (A)旗杆跤出世—ê。 (B)鸚哥鼻，tāi 魚喙。 (C)量熱毋通量寒。 (D)摸城隍爺 ê 尻川。

75. 「家己先寫看覓，mài _____ pinn--á ê 同學討論。」請 問空格仔內袂使囥佗一个選項？ (A)kah (B)hām (C)kā (D)kiau

76. 請問「睏坦_____」ê 空格仔內會用得囥下面佗一个選 項？ (A)哭 (B)笑 (C)行 (D)趖

77. 佇台語內底，動詞後壁若欲加「著」，著愛足斟酌， 若無，意思會走精去。請問，下面佗一个選項是正確 的？ (A)見食著薟 (B)風吹著伊 (C)我拍著蠓 (D)伊叫著我

78. 請問下面佗一个動詞袂出現 tī「會____--得」tsit 个句 型內底？ (A)醒 (B)看 (C)交代 (D)呵咾

79. 下面佗一句較合臺灣閩南語的講法？ (A)彼个所在你知毋知影？ (B)彼个所在你知影毋知影？ (C)彼个所在你知袂知影？ (D)彼个所在你知影袂知影？

80. 請問，以下佗一位作家無寫過台語的長篇小說？ (A)陳雷 (B)胡長松 (C)黃春明 (D)藍春瑞

81. 根據教育部臺灣羅馬字拼音規範，聲調是愛寫佇佗位？ (A)聲母 (B)介音 (C)主要元音 (D)韻尾

82. 請問下面佗一个選項的構詞方式佮「呵咾」是仝款的？ (A)垃圾 (B)油湯 (C)天光 (D)來去

83. 請問下面佗一个選項 ê 重覆用法無正確？ (A)春嬌人看著古意古意。 (B)伊做著毋甘願毋甘願。 (C)外口 beh 落雨 beh 落雨。 (D)志明有 thái-ko 有 thái-ko。

84. 請問下底佗一个選項完全正確？ (A)舞蹈(bú-tó) (B)獸醫(siū-i) (C)競賽(kìng-sài) (D)關鍵(kuan-kiàn)

85. 根據教育部的閩南語推薦用字，下底佗一个漢字寫了 毋著？ (A)清彩 (B)鹹汫 (C)囂俳 (D)虯毛

86. 「有」佇臺語內底，有誠濟無仝的用法，請問下面佗 一个選項，「有」的用法是毋著的？ (A)有就來，毋就汰。 (B)作文比賽有著頂。 (C)伊確實是讀有冊。 (D)這項物件真有銷。

87. 「Tsia̍ h bué-gê bīn iu-iu, tsia̍ h thâu-gê lián tshuì-tshiu」 請問，佇這句俗諺內底的「thâu-gê」是農曆的佗一工？ (A)十二月十六 (B)正月初二 (C)正月十六 (D)二月初二

88. 請問下面佗一个詞毋是生物？ (A)粉鳥舅 (B)蜈蚣舅 (C)番薯舅 (D)石楝舅

89. 下底佗一組詞彙指涉的對象是相仝的？ (A)大舅 vs. 大舅仔 (B)弟婦 vs. 弟婦仔 (C)大伯 vs. 大伯仔 (D)阿叔 vs. 阿叔仔

90. 順向同化(progressive assimilation)會予語詞後壁的彼 个聲母產生音變。請問下面佗一个選項並無這款情形？ (A)鋏的 (B)?壺 (C)新婦 (D)盒仔

91. 佇台語內底，漢字的解釋佮華語有可能無仝，請問下 面佗一个選項就是按呢？ (A)筆勢 (B)風勢 (C)順勢 (D)屈勢

92. 若是按《教育部臺灣台語常用辭詞典》請問下面佗一 句台語，包括用字佮句法，是完全正確的？ (A)我紥等路予伊食。 (B)我阿母佇遐等我。 (C)抑若我是做袂到。 (D)下昏若是伊有來。

93. 一「」弓蕉。請問下面佗一个計算弓蕉的量詞，佮其 他三个無仝？ (A)條 (B)莢 (C)弓 (D)子

94. 「這个序大人有夠□□，直直咧踅踅唸。」請問□□ 的語詞，較倚佗一个選項？ (A)不廉 (B)徼兆 (C)扴話 (D)瀾鬚

95. 「攀岩 tsit 个運動項目，嘛有人講做_____石壁。」請 問空格仔內囥佗一个選項上適當？ (A)soh (B)khàng (C)khînn (D)penn

96. 請問，以下佗一項是日本時代的作家楊逵用台語寫的 小說作品？ (A)〈剁柴囡仔〉 (B)〈鵝媽媽出嫁〉 (C)〈無醫村〉 (D)〈壓不扁的玫瑰花〉 

97. 請問下面佗一个講法上蓋適當？ (A)歹勢，我台語講 kah 無好。 (B)我感覺虎頭山真媠--ê！ (C)遐貴--著，我買袂起。 (D)你了解--無？